KMG International жанармай құю станциялары желісінің тиімділігін арттыруға бағытталған цифрлық шешімдерді енгізуде

Review Intelligence бастамасы Rompetrol жанармай құю станциялары туралы тұтынушылардың пікірін жинау мен талдауды автоматтандырады. Жүйе клиенттердің көңілінен шығуға ықпал ететін негізгі факторлар мен проблемалық тұстарды анықтап, осы тәжірибені жетілдіру бағыттарын айқындайды. Бүгінгі таңда платформа 100 мыңнан астам пікірді өңдеді.

Бұл шешім қазіргі кезде Румынияда қолданылуда, келесі кезең аясында оны Молдова, Болгария және Грузияда енгізу жоспарланып отыр. Сонымен қатар пікірлерге жауап дайындауды автоматтандыру үшін Google Business Profile-мен интеграция жүргізілуде.

License Plates Recognition жобасы жанармай құю станциясындағы автомобильдердің мемлекеттік тіркеу нөмірлерін анықтау технологияларын пайдалануды көздейді. Нәтижесінде қызмет көрсетудің ыңғайлығы мен жылдамдығы артады, көліктердің станцияларға келу жиілігі талданады және ұсыныстар мен сервис сапасын жақсарту үшін клиенттердің мінез-құлқын жан-жақты түсінуге мүмкіндік туады.

Румынияда енгізіліп жатқан жаңа CRM-платформа сату, қызмет көрсету, адалдық бағдарламалары, маркетинг және сараптамалық деректерді біріктіре отырып, клиенттермен жұмыс істеу бойынша бірыңғай басқару контурын құруға ықпал етеді.

Цифрлық құралдар Rompetrol желісінің тиімділігін, қызмет көрсету сапасын және бизнестің тұрақты дамуын арттыруға бағытталған KMG International компаниясындағы downstream бағытының бірыңғай экожүйесінің бөлігіне айналуда.